Presidenti amerikan Donald Trump nuk është “aspak i interesuar” nëse Irani do të pranojë të negociojë me Shtetet e Bashkuara pasi këshilltari i tij sugjeroi që Teherani do të duhet të pajtohej me bisedimet sepse nuk do të kishte zgjidhje tjetër.
Këshilltari i Sigurisë Kombëtare Robert O’Brien i tha Fox News se fushata “presion maksimal” ndaj Teheranit nga Uashingtoni është në veprim.
“Irani ngadalë po mbytet dhe nuk do të ketë zgjidhje tjetër përveçse të ulet në tryezën e bisedimeve,” tha O’Brien.
Në një postim në Twitter duke cituar intervistën e O’Brien, Trump shkroi:
“Në të vërtetë, mua nuk më intereson nëse ata pajtohen me negociatat. Kjo do të varet plotësisht prej tyre. Hiqni dorë nga armët bërthamore dhe ndaloni të vrisni protestuesit tuaj!”
Nga ana tjetër, Presidentët e Rusisë dhe Francës, Vladimir Putin dhe Emmanuel Macron, diskutuan situatën në Iran dhe u bënë thirrje palëve që të tregojnë vetëpërmbajtje. /tesheshi.com/
