Presidenti amerikan Donald Trump e quajti skandalin e pretenduar me Ukrainën, e rrjedhimisht bisedën e tij me presidentin Zelensky, si mashtrimin më të madh në histori.
“Ajo që po ndodh është mashtrimi më i madh në historinë e politikës amerikane”, tha Trump në një video-mesazh që postoi në Twitter.
Trump ka pohuar se demokratët “duan të heqin gjithçka”, duke përmendur armët personale të njerëzve, kujdesin shëndetësor si dhe zërin e tyre, gjykatësit e tyre dhe lirinë e tyre.
“Është shumë e thjeshtë: ata duan të më pengojnë, sepse unë po luftoj për ju – dhe kurrë nuk do ta lejoj këtë të ndodhë”, pohoi Trump.
Demokratët nga Dhoma e Përfaqësuesve kanë filluar një proces “tërheqjeje” kundër Trump këtë javë në lidhje me pretendimet e se presidenti i ka bërë presion qeverisë ukrainase për interesat e veta politike.
Më saktë, pretendohet se Trump i ka kërkuar homologut ukranias qëtë hetojë Joe Biden, rivalin e tij të pritshëm për Presidencialet e afërta, si dhe të birin, për afera korrupsioni. /tesheshi.com/
