Në kulmin e akuzave për racizëm, Presidenti amerikan Donald Trump i është vërsulur Hollywood-it, duke e quajtur pikërisht industrinë gjigande amerikane të filmit si burim racizmi. Sipas Trump, aty prodhohen filma që dëmtojnë Shtetet e Bashkuara.
“Hollywood-i është me të vërtetë i keq. Ju po flisni për racistët, dhe në të vërtetë Hollywood-i është racist”, tha Trump të premten në Uashington.
Ai foli pikërisht për problemin e racizmit në vendin e tij, nga oborri i Shtëpisë së Bardhë dhe e shfrytëzoi këtë mundësi për të aluzuar Hollywood-in, një nga industritë më të mëdha të filmit në botë, në një mënyrë shumë të ashpër.
“Hollywood-i liberal është racist në nivelin më të lartë, plot me urrejtje. Ata pëlqejnë ta quajnë veten elitë, por nuk janë të tillë. Në fakt, elitat e vërteta janë ato që shpesh kundërshtojnë me forcë”, vuri në dukje Trump, dhe vazhdoi: “Filmat që prodhojnë janë bërë me nxitje dhe qëllim për shkaktimin të kaosit. Ata krijojnë dhunën e tyre dhe pastaj përpiqen t’ia atribuojnë të tjerëve. Ata janë racistët e vërtetë dhe shumë të këqij për vendin tonë”. /tesheshi.com/
