Ish-presidenti amerikan thotë se votuesit që e zgjodhën për lider të Shteteve të Bashkuara në vitin 2016 janë tani më të fortë se kurrë.
Ish-presidenti amerikan Donald Trump deklaroi në mënyrën e tij karakteristike se mund të kandidojë në zgjedhjet presidenciale që do të mbahen në vitin 2024.
“Kam konkurruar dy herë. Kam fituar të dyja herët. Herën e dytë ia dola shumë më mirë se të parën. Tani për ta bërë vendin tonë të suksesshëm, të sigurt dhe të lavdishëm përsëri, ndoshta do të më duhet ta bëj përsëri”, tha ai në një tubim në Teksas.
Ai tha se votuesit që e zgjodhën president të SHBA-së në vitin 2016 tani janë më të fortë se kurrë.
“Shumica e heshtur është kthyer më e fortë se kurrë më parë… Bashkëqytetarët e mi, ky udhëtim i jashtëzakonshëm në të cilin jemi së bashku sapo ka filluar,” tha Trump.
Deklaratat e tij pasuan disa orë pasi presidenti aktual amerikan i SHBA-së, Joe Biden, tha se ende nuk ka bërë të ditur, por se synon të kandidojë sërish në zgjedhjet presidenciale të vitit 2024. /tesheshi.com/
