I trishtuar nga raportet për ngacmimet e muslimanëve, afrikano-amerikanëve dhe hispanikëve pas fitores së tij në zgjedhje, presidenti i zgjedhur Donald Trump për herë të parë ka kërkuar publikisht prej njerëzve që të ndalin veprimet e tilla.
“Ndihem i trishtuar kur dëgjova për këtë, dhe them: ‘Mjaft!’. Nëse kjo…nëse kjo ndihmon. Unë do ta them këtë, dhe do të them drejt kamerave:… Mjaft”, tha Trump për ’60 CBS ‘ Minute” të dielën, në të parin prezantim televiziv pas zgjedhjes si Presidenti i SHBA.
Ai po i përgjigjej një pyetjeje në lidhje me një valë krimesh urrejtjeje kundër muslimanëve, hispanikëve, njerëzve me ngjyrë, pakicave etnike etj., në ditët e fundit.
“A dëshironi të thoni diçka për ata njerëz?”, u pyet.
“Unë do të thoja mos bëni një veprime të tilla. Kjo është e tmerrshme, ngase unë dua ta bëj këtë vend të bashkuar”, tha Trump.
Presidenti i zgjedhur tha se një pjesë e shoqërisë ndihet e frikësuar për shkak të tij pasi nuk e njohin atë. Ai u kërkoi atyre të mos kenë frikë.
“Kjo është vetëm për shkak se ata nuk më njohin mua”, tha i sapozgjedhuri në krye të Shtëpisë së Bardhë.
Më tej ai komentoi dhe protestat e dhunshme të shpërthyera kundër tij, duke thënë se ato janë tregues i standarteve të dyfishta.
“Mos kini frikë. Ne do ta kthejmë përsëri vendin tonë. Por sigurisht, mos kini frikë. Ju e dini, ne sapo patëm zgjedhjet në vend dhe duhet të na jepet pak kohë. Mendoj, njerëzit po protestojnë. Nëse Hillary do të kishte fituar dhe në qoftë se populli im do të dilte për të protestuar, të gjithë do të thonin: “Oh, kjo është një gjë e tmerrshme”. Dhe kjo do të kishte qenë një qëndrim shumë më ndryshe. Dhe në fakt, realisht është një qëndrim më ndryshe. E dini, ka një standard të dyfishtë këtu”, tha Trump. /tesheshi.com/
https://youtu.be/8OaN8qJnaxs
