Britania do të hyjë në një marrëveshje të madhe tregtare me Shtetet e Bashkuara pas Brexit, tha presidenti amerikan Donald Trump, duke shtuar se kryeministri i ri britanik është njeriu i duhur për të nxjerrë vendin e tij nga Bashkimi Evropian.
Johnson, i cili përballet me detyrën delikate për të ruajtur aleatët e Evropës në samitin e G7 në Francë, gjithsesi e zemëroi Trump kur tha që bisedimet tregtare me Shtetet e Bashkuara do të ishin të vështira, por kishte mundësi të mëdha për bizneset britanike në SHBA raporton Reuters.
I pyetur se cilat ishin këshillat e tij për Brexit përpara se të vinte në një takim dypalësh me Johnsonin në kuadër të samitit, Trump tha: “Ai nuk ka nevojë për këshilla. Ai është njeriu i duhur”.
Përpara samitit, Johnson tha se ishte “shumë i shqetësuar” për luftën tregtare SHBA-Kinë dhe shtoi se kjo nuk ishte “rruga nga duhej ecur”.
“Unë jam shumë i shqetësuar. Ata që mbështesin tarifat rrezikojnë të jenë përgjigja për dobësimin e ekonomisë botërore. Tensionet duhet të zvogëlohen”, tha Johnson pas mbërritjes në samitin e G7.
Lufta tregtare mes Uashingtonit dhe Pekinit është përkeqësuar në mënyrë të vazhdueshme që nga taksat e para të çelikut dhe aluminit të prezantuara nga qeveria amerikane në mars 2018. /tesheshi.com/
