Presidenti amerikan Donald Trump tha që COVID-19 përfundimisht do të “zhdukej” dhe shtoi se ai ishte kundër vendosjes së një mase të veshjes së maskës në nivelin kombëtar.
“Në fund të fundit, unë do të kem të drejtë. Unë thashë më herët se do të zhduket dhe tani e them përsëri. Do të zhduket dhe do të më jepet të drejtë”, tha Trump në një intervistë të transmetuar sot nga televizioni amerikan Fox News.
Më shumë se 60,000 njerëz janë infektuar me koronavirus në 24 orët e fundit në Shtetet e Bashkuara, ndërsa një total prej 3.7 milion njerëz janë infektuar që nga fillimi i epidemisë.
Ai vlerësoi se në shumë raste, të rinjtë që infektohen shërohen brenda një dite.
Presidenti amerikan tha se ishte kundër futjes së detyrimit të veshjes së maskës në nivelin kombëtar, edhe pse disa shtete federale e futën atë masë.
“Jo, unë dua që njerëzit të kenë njëfarë lirie. Unë nuk jam dakord që virusi do të largohet nëse të gjithë veshin maska,” tha Trump. /tesheshi.com/
