Pas një ndalimi prej dy vitesh për thirrje për dhunë, ish-presidenti amerikan Donald Trump është rikthyer në Facebook dhe Instagram dhe tani do të ketë akses në miliona ndjekës që kishte në të dy rrjetet.
Trump fillimisht iu kthye llogarisë së tij nga Twitter, nën politikën e pronarit të ri Elon Musk. Megjithatë, Trump që atëherë ka lançuar versionin e tij të rrjetit social, Truth Social, kështu që ai ende nuk është kthyer në Twitter si përdorues me kohë të plotë.
Megjithatë, ekziston mundësia që ai të kthehet në Facebook dhe Instagram.
Në Facebook Trump ka rreth 38 milionë ndjekës, ndërsa në Instagram ky numër është 23 milionë.
Postimet e tij që mohojnë rezultatin e zgjedhjeve presidenciale të vitit 2020 janë ende në këto platforma. Me shumë mundësi, Trump do ta përdorë këtë rikthim në fushatën e tij presidenciale 2024.
Kujtojmë se Trump fillimisht humbi llogaritë e tij në mediat sociale për shkak të trazirave të mëdha që ndodhën më 6 janar 2021 në Capitol Hill. Atje, ndjekësit e Trump sulmuan Kongresin amerikan, duke shkaktuar dhe një jetëhumbje.
Pas kësaj, për shkak të thirrjeve për dhunë, Trump u ndalua nga të gjitha rrjetet kryesore sociale, raporton BBC. /tesheshi.com/
