Ish-presidenti amerikan Donald Trump, kandidati republikan për presidencën e Shteteve të Bashkuara në nëntor, siguroi se kërcënimet e tij të fundit ndaj shteteve të tjera anëtare të Organizatës së Traktatit të Atlantikut të Veriut janë para së gjithash “një mënyrë negocimi”, thënë kjo gjatë një emisioni televiziv transmetuar të martën.
Miliarderi shkaktoi panik në Evropë kur kërcënoi në shkurt se nuk do të garantonte më mbrojtjen e vendeve anëtare të NATO-s kundër Rusisë nëse ato nuk paguanin pjesën e tyre të drejtë.
Deklaratat e tij u kritikuan ashpër nga liderët e vendeve evropiane dhe kundërshtari i tij demokrat, presidenti aktual Joe Biden.
“Është një mënyrë negocimi”, ka shpjeguar biznesmeni i stuhishëm, duke iu referuar këtyre komenteve, në daljen e tij në emisionin e Nigel Farage, një figurë e ekstremit të djathtë britanik.
“SHBA duhet të paguajë pjesën e duhur, por jo për të gjithë,” tha Donald Trump në një dalje në GB News.
Ai u mburr se falë deklaratave të tij të diskutueshme, arkat e NATO-s ishin mbushur.
“Ata filluan të paguajnë falë këtyre komenteve”, pohoi ai, pa përmendur ndonjë shembull konkret.
Donald Trump on defending our NATO allies from a Russian attack: “We're not going to defend you. If you're not paying your bills, we're not going to defend you.” pic.twitter.com/XtN4qpUrW9
— Republican Voters Against Trump (@AccountableGOP) March 19, 2024
Republikani, i cili do të përballet sërish me Joe Biden më 5 nëntor, ka akuzuar shpesh aleatët e SHBA-së në NATO se nuk i përmbushin angazhimet e tyre për shpenzimet ushtarake.
“Mos harroni se kjo është më e rëndësishme për ata se për ne, ne kemi një oqean që na ndan nga disa probleme”, tha ai dje. “Një oqean i madh i bukur.” /tesheshi.com/
