Zbulohen të gjithë vendet që kanë dëbuar diplomatë rusë së bashku me Shqipërinë, e cila është vënë nga Shtëpia e Bardhë në krye të listës.
Sot është bërë publike tashmë urdhëri që ka ardhur nga Uashingtoni për një qëndrim të përbashkët.
Ambasada e SHBA në Tiranë ka publikuar deklaratën ku Uashingtoni i kërkon Moskës të mbajë përgjegjësi për vrasjen e Sergej Skripal.
Thirrja e fortë e ambasadës së SHBA vjen në një kohë kur shumë vende kanë dëbuar trupat diplomatike ruse pas sulmit me agjent nervor ushtarak në Britani për të vrarë ish-spiunin Sergei Skripal dhe vajzën e tij Julia.
Vetëm një ditë më parë, Shqipëria ka shpallur “non grata” dy diplomatë rusë pas përplasjes mes Britanisë së Madhe.
Dy diplomatët që janë dëbuar nga Shqipëria janë Vladislav Filipov, atashe ushtarak dhe Alexey Nikolaevich Balashov, sekretar i parë i ambasadës së Rusisë në Tiranë.
“Shtetet e Bashkuara i bëjnë thirrje Rusisë të marrë përsipër përgjegjësinë për veprimet e saj dhe t’i tregojë botës se është e aftë të përmbushë angazhimet dhe përgjegjësitë e saj ndërkombëtare.
Si anëtare e Këshillit të Sigurisë së Kombeve të Bashkuara, në mbështetje të paqes dhe sigurisë. Kombëtare”, thuhet në njoftimin e ambasadës në Facebook.
Ndërkaq, Shtëpia e Bardhë, me anë të një fotoje në Instagram, tregoi bilancin e rusëve të dëbuar nga partnerët e saj ku përfshihet edhe Shqipëria, që dëboi dy diplomatë rusë ditën e hënë.
“Presidenti Donald Trump urdhëroi dëbimin e dhjetëra punonjësve të inteligjencës ruse nga Shtetet e Bashkuara. Dhe mbylljen e Konsullatës Ruse në Siatëll. Me këto masa, SHBA dhe aleatët tanë i kanë bërë të qartë Rusisë. Se veprimet e saj kanë pasoja”, lexohet në përshkrimin e fotos së postuar në Instagram. /tesheshi.com/
