Siria kritikoi të mërkurën Presidentin e SHBA Donald Trump, i cili tha një ditë më parë se kishte në plan të “eleminonte” presidentin Bashar al-Assad, duke vlerësuar se Shtetet e Bashkuara janë një vend i “grabitësve dhe paligjshmërisë”, njoftoi agjencia zyrtare Sana.
Trump tha të martën se ai kishte në plan të “eliminonte” Asadin në 2017, por Sekretari i tij i Mbrojtjes i atëhershëm, Jim Mattis e kundërshtoi atë.
“Deklaratat e presidentit amerikan (…) tregojnë qartë nivelin (…) e lëvizjeve të pamatura politike” nga Shtetet e Bashkuara, tha Ministria e Jashtme siriane të martën.
Bomba në një bazë ushtarake siriane
“Rrëfimi i Trump konfirmon se Shtetet e Bashkuara janë një gjendje banditësh dhe paligjshmërie, e cila përdor të njëjtat metoda si organizatat terroriste, domethënë vrasjet dhe likuidimet”, shtoi ministria.
Trump tha në shtator 2018 se ai kurrë nuk i përmendi shefit të Pentagonit vrasjen e mundshme të Asadit.
Në prill 2017, presidenti amerikan urdhëroi bombardimin e një baze ushtarake siriane për shkak të një sulmi sarin që i atribuohet regjimit sirian, në të cilin u vranë më shumë se 80 civilë. /tesheshi.com/
