Presidenti Trump tha se lufta 18-vjeçare në Afganistan mund të përfundojë vetëm për disa ditë, por, shtoi ai, në atë rast ai vend do të fshihej nga faqja e dheut.
“Unë mund ta fitoj këtë luftë në vetëm një javë, por thjesht nuk dua të vrasë 10 milionë njerëz”, tha Trump në Zyrën Ovale, gjatë një takime kryeministrin pakistanez Imran Khhan.
“Lufta mund të përfundojë në pak ditë, por nuk dua ta zgjidh në këtë mënyrë, ndaj dhe po punojmë me Pakistanin dhe të tjerët për të zgjidhur këtë çështje. Ne nuk duam rolin e policit që kemi tani”, shtoi ai.
Trump ka kritikuar në mënyrë të përsëritur fushatën amerikane në Afganistan, të cilën e përsëriti të hënën, duke i cilësuar si “qesharake” operacionet në atë vend, të cilat zgjasin pothuajse dy dekada.
SHBA ka rreth 14,000 trupa të vendosura në Afganistan dhe Trump po përpiqet të zvogëlojë praninë e tyre ndërsa mbajnë bisedime paqësore me talebanët.
Kryeministri Khan tha se në këtë moment ai është “më afër një marrëveshjeje paqeje” në një vend të shkatërruar nga lufta dhe theksoi se nuk ka zgjidhje ushtarake për konfliktin.
“Ne shpresojmë që në ditët në vijim do të jemi në gjendje të ftojmë talibanët që të bisedojnë me qeverinë afgane dhe të vijnë në një zgjidhje politike”, tha Khan.
Pavarësisht nga një proces i përshpejtuar i paqes, ka pasur një rritje të papritur të viktimave civile si pasojë e një vale dhune në të gjithë Afganistanin. 100 sosh u shkaktuan vetëm 10 ditët e para të korrikut. /tesheshi.com/
