Presidenti i SHBA-së, Donald Trump, i ka dërguar një paralajmërim të fortë kreut të Koresë së Veriut, Kim Jong-un, gjatë një fjalimi në Japoni, si pjesë e turit 13 ditor që do të zhvillojë në Azi.
“Askush, aq më pak një diktator mund të imponojë axhendën tonë”, tha Trump gjatë një takimi të përbashkët amerikano-japonez në bazën ushtarake të SHBA-së, Yokota Air Force Base.
Trump e ka cilësuar Japoninë si një “aleat thelbësor për Amerikën”.
Kryeministri japonez, Shinzo Abe, i cili ka qenë i pari zyrtar i lartë botëror që është takuar me Donald Trump, gjithsesi ka shprehur disa herë shqetësimin e një rritje të protagonizmit të SHBA-së në Azi dhe proteksionizmit ekonomik.
Trump luajti golf me Abe-n dhe konsumoi një çaj me Perandorin. Presidenti i SHBA-së përpara se të vizitojë nesër Korenë e Jugut, pati disa takime me familjarë të personave që u morën peng nga autoritetet veri-koreane gjatë viteve 70-80. /tesheshi.com/
