Presidenti amerikan Donald Trump ka thënë se vaksina për virusin famëkeq koronar do të zbulohet deri në fund të këtij viti.
“Ne mendojmë se do të kemi vaksinën deri në fund të këtij viti”, tha Trump në një prononcim për Fox News. “Mjekët do të thonë se ‘ju nuk duhet ta thoni këtë’. Por unë them atë që dua të them,” shtoi ai.
“Ne po inkurajojmë shumë dhe një numër i kompanive farmaceutike, mendoj, janë shumë afër,” theksoi Trump.
I pyetur se cili do të ishte reagimi i tij nëse një vend tjetër do të zbulonte vaksinën para SHBA, Trump u përgjigj: “Nuk më intereson. Unë thjesht dua të kem një vaksinë që funksionon”.
Sipas Shkollës së Higjienës dhe Mjekësisë Tropikale në Londër, rreth njëqind projekte aktualisht janë duke u zhvilluar në të gjithë botën për të gjetur një vaksinë, dhe një duzinë testesh klinike janë duke u zhvilluar gjithashtu.
Duke shprehur vullnetin e tij për të lejuar vendin të vazhdojë aktivitetet e tij në një mënyrë të kujdesshme, por “sa më shpejt që të jetë e mundur”, presidenti amerikan tha se ishte optimist për perspektivën ekonomike.
“Viti 2021 do të jetë i jashtëzakonshëm”, tha Trump, duke mbrojtur veprimet e tij edhe një herë që nga fillimi i pandemisë.
“Unë mendoj se shpëtuam miliona jetë,” vuri në dukje ai. /tesheshi.com/
