Presidenti i ri amerikan, Donald Trump njoftoi se Shtetet e Bashkuara do të ndalojnë nga përpjekjet për përmbysjen e qeverive nëpër botë, dhe do të bashkëpunojnë me vendet e tjera me qëllim luftën kundër terrorizmit.
Në të njëjtën kohë, ai premtoi fillimin e një epoke të re paqeje.
“Ne do të shkatërrojmë Shtetin Islamik të Irakut dhe Levantit. Në të njëjtën kohë, do të udhëheqim një politikë të re të jashtme, e cila ka mësuar nga gabimet e së kaluarës. Do të ndalim së kërkuari përmbysjen e regjimeve dhe qeverive”, tha Trump në adresimin e tij të parë gjatë “turneut të falenderimeve” në Cincinnati.
Ai njoftoi se do të bashkëpunojë me çdo vend i cili është i interesuar për të shkatërruar ISIS-in.
Ai gjithashtu premtoi se do të “shërojë plagët e thella të Amerikës”, duke deklaruar se SHBA nuk ka zgjedhje tjetër, pos të bashkohet dhe të refuzojë jotolerancën, njofton AFP.
“Ne jemi komb shumë i ndarë, por nuk do të qëndrojmë të ndarë për një kohë të gjatë. Ne do të gjejmë një gjuhë të përbashkët dhe do ta kryejmë punën ashtu si duhet. E dënojmë jotolerancën dhe paragjykimet në të gjitha format e saj dhe refuzojmë gjuhën e përjashtimit dhe të ndarjes”, ka thënë Trump. /tesheshi.com/
