Prokurori Glenn Kirschner u bashkua me Jason Johnson të MSNBC për të diskutuar mbi aktivitetet e shumta kriminale të lidhura me Donald Trump që përfundimisht mund të rrëzonin ish-presidentin amerikan.
Ata analizuan me detaje dëgjimin e dëshmitarëve të 6 janarit 2021 për akuzat për “ngatërrim” të zgjedhjeve dhe u përpoqën të zbulonin nëse Ministria e Drejtësisë do të bëjë diçka për këtë dhe në çfarë periudhe kohore.
Tim O’Brien tha se rëndësia e vërtetë e dëgjimit të dëshmitarëve për 6 janarin është se mund të detyrojë Departamentin e Drejtësisë të akuzojë Trump dhe bashkëpunëtorët e tij për “kryerjen e një grushti shteti”.
Për kujtim, Komiteti i Dhomës së Përfaqësuesve të Kongresit Amerikan që hetoi trazirat dhe sulmin në Kapitol më 6 janar 2021, fajin për ato ngjarje ia atribuoi Donald Trumpit, duke deklaruar se nuk ishte një trazirë spontane, por një ” tentativa për grusht shteti” dhe një rezultat i drejtpërdrejtë i përpjekjes së presidentit të mundur për të anuluar rezultatin e zgjedhjeve në 2020.
Me transmetimin e një videoje 12-minutëshe të dhunës vdekjeprurëse, e cila nuk u shfaq publikisht deri në muajin e kaluar, dhe dëshmisë befasuese nga ndihmësit më të afërt të Trump, paneli parashtroi me shumë detaje argumentin se gënjeshtrat e përsëritura të Trump për mashtrimin zgjedhor dhe publikun e tij dhe përpjekja për të ndaluar shpalljen e fitores së Joe Biden, çoi në sulme dhe kërcënoi demokracinë amerikane. /tesheshi.com/
