Një skandal i ri është shkaktuar nga informacioni se Donald Trump për vite me radhë iu mburr bashkëpunëtorëve të tij se dinte informacione “të nxehta” për jetën e dashurisë së Emmanuel Macron.
Dy burime me njohuri për këtë çështje i thanë revistës amerikane Rolling Stone se Donald Trump ka përfolur për “të palarat” e Macron gjatë mandatit të tij dhe pasi ai u largua nga Shtëpia e Bardhë. Madje, burimet thanë se ai kishte mësuar për jetën e dashurisë së Macron nga “informacionet” që ose i kishte parë ose i kishte thënë.
Një nga dy burimet tha se Donald Trump nuk dha hollësi se çfarë dinte për presidentin francez. Megjithatë, me një reputacion si thashethemexhi, “është e vështirë të dallosh nëse ai po flet marrëzi”.
Dosja për presidentin francez, mes sekuestrimeve të FBI-së
Nuk dihet ende nëse Donald Trump kishte informacione që ekspozonin Macron. Megjithatë, në bastisjen e fundit të FBI-së në resortin e Trump në Florida, Mar-a-Lago, ndër të tjera u sekuestrua një dosje e etiketuar “info re: Presidenti i Francës”. Nuk është ende e qartë nëse përmbajtja e dosjes përmban informacione nga shërbimet e inteligjencës amerikane apo nëse ajo që renditet është e klasifikuar.
Jennifer Palmieri, ish-ndihmëse e Hillary Clinton, nuk e përjashtoi mundësinë që dosja të kishte “kompromat”, duke përdorur termin rus për informacione që mund të përdoren për shantazh.
Dy burime të tjera i thanë Rolling Stone se zbulimi i ekzistencës së dosjes dhe goditjet e Trump ndaj Macron dhe “njerëzve me të palara” për të cilët “jo shumë njerëz dinë”, nxitën tensionin në të dy anët e Atlantikut. Zyrtarët francezë dhe amerikanë po përpiqen të zbulojnë se çfarë materiali kishte ish-presidenti amerikan për homologun e tij francez dhe nëse informacioni ishte i ndjeshëm.
Megjithatë, një përfaqësues i presidencës franceze sqaroi për revistën amerikane se nuk kishte asnjë pyetje për administratën Biden për informacion në lidhje me dokumentet e sekuestruara në resortin Trump në Florida.
“Zuskë” me “60 kilogramë inat”
Gjatë kohës së tij në detyrë, Donald Trump kishte një marrëdhënie mjaft të stuhishme me Emmanuel Macron.
Fillimisht ai tregoi se mbështet Marine Le Pen në zgjedhjet presidenciale të 2017. Madje e ftoi në Kullën Trump në New York dhe foli shumë pozitivisht për të në intervista.
Macron e ftoi kur u zgjodh në festimet e 14 korrikut në Paris. Trump iu përgjigj ftesës dhe ishte aq i impresionuar nga parada saqë kishte kërkuar një ngjarje të ngjashme në Uashington.
Vazhdimi ishte shpërthyes: Macron kërcënoi se do ta përjashtonte Trump-in nga një deklaratë e përbashkët e unitetit të G7. Edhe pse në vitin 2019 ai donte të rivendoste marrëdhëniet e tyre, duke i dërguar Trumpit një “pemë miqësie” për të mbjellë në Shtëpinë e Bardhë, situata nuk u përmirësua.
Në dhjetor të atij viti, Trump akuzoi Macron-in se kishte bërë komente “shumë, shumë të shëmtuara” në periferi të një samiti të NATO-s. Ish-ndihmësja e Trump-it, Stephanie Grisham, shkroi gjithashtu në librin e saj se Trump e quajti privatisht Macron-in një “zuskë” dhe e përçmoi presidentin francez si “60 paund tërbim”. /tesheshi.com/
