Republikanët dështojnë sërish që të miratojnë ç’montimin e të famshmit “Obamacare”, apo ligjin për sigurimet shëndetësore.
Duke parë që nuk i kanë votat për ta miratuar draftin e rindryshuar që u rrëzua para disa muajsh, krerët republikanë vendosën të shtyjnë votimin e variantit të tyre për ligjin.
Vendimi erdhi pas një analize të pavarur që arrin në përfundimin se 22 milionë njerëz do të humbasnin sigurimin shëndetësor gjatë dekadës së ardhshme nëse miratohej propozimi republikan.
Udhëheqësi i shumicës në senat, Mitch Mc’Onnell u tha kolegëve të tij republikanë se ai do ta shtyjë votimin e planifikuar për këtë javë, deri pas 4 korrikut përvjetorit të pavarësisë së vendit.
Disa ligjvënës republikanë kishin bërë të ditur se nuk janë dakort me këtë projektligj, gjë që e detyroi senatorin Mc’Onnell të heqë dorë prej planit për ta hedhur në votë deri në fund të javës, përpara se ligjvënësit të largoheshin nga Uashingtoni për festën.
Kundërshtarët e ndryshimeve në ligjin shëndetësor thanë se plani republikan do t’i kushtonte shumë amerikanëve të varfër;disa të tjerë thonë se nuk përban ndryshime thelbësore të dispozitave kyçe të ligjit shtatëvjeçar të njohur gjerësisht si “Obamacare”.
Në senat republikanët kanë një shumicë prej 52 vendesh ndërsa demokratët 48.
Katër republikanë deklaruan se do të votonin kundër madje edhe për fillim e debatit mbi planin, ndërsa të tjerët kanë shprehur gjithashtu rezerva lidhur me propozimin, duke lënë në dyshim votën e tyre. /tesheshi.com/
