Presidenti i SHBA Donald Trump tha të dielën se numri i infeksioneve COVID-19 dhe vdekjeve nga sëmundja në Shtetet e Bashkuara ishte “i tepruar”, një ditë pasi vendi regjistroi një numër rekord ditor të infeksioneve të reja dhe vdekjeve mbi 350,000.
“Numri i rasteve të infeksionit dhe vdekjeve nga virusi kinez në Shtetet e Bashkuara është shumë i ekzagjeruar për shkak të metodës qesharake të përcaktimit (Qendrat për Kontrollin dhe Parandalimin e Sëmundjeve) krahasuar me vendet e tjera, shumë prej të cilave raportojnë, me qëllim, shumë pasaktësisht dhe më pak (nga numri aktual)”, shkroi Trump në Twitter, duke i quajtur “lajme të rreme” raportet e numrit të infektuar dhe të vdekur.
Ekspertët e shëndetësisë hodhën poshtë shpejt pretendimin e Trump.
“Vdekjet janë vdekje të vërteta. E tëra çfarë ju duhet të bëni është të shkoni në vijën e parë të frontit, të shkoni në spitale … është e vërtetë, nuk është e rreme,” i tha televizionit ABC News Anthony Fauci, eksperti kryesor i sëmundjeve infektive të vendit.
Shefi i Shërbimit të Shëndetit Publik Jerome Adams tha për CNN se “nuk ka asnjë arsye për të dyshuar” në numrin e vdekjeve nga COVID në Shtetet e Bashkuara.
Numri i të vdekurve në SHBA, sipas Universitetit Johns Hopkins, ka tejkaluar 350,000 dhe 20,4 milion njerëz janë infektuar me virusin që nga përhapja e tij, shumë më tepër se në çdo vend tjetër. Një rekord i ri ditor për numrin e të infektuarve, 299,087, u vendos në SHBA të shtunën, sipas universitetit.
Fushata e vaksinimit në SHBA po zhvillohet më ngadalë sesa parashikonin zyrtarët. Qeveria federale nuk ka mundur të arrijë qëllimin e saj për të vaksinuar 20 milion njerëz deri në fund të vitit 2020. Fauci tha se ritmi i vaksinimit do të rritet dhe së shpejti do të arrijë 1milion injeksione në ditë. /tesheshi.com/
