Pandemia në Shtetet e Bashkuara ka marrë deri tani afro 530,000 njerëz dhe ekonomia e parë në botë ka rënë me 3.5 përqind vitin e kaluar, viti më i keq që nga Lufta e Dytë Botërore.
Shtëpia e Bardhë ka njoftuar se dëshiron të blejë 100 milion doza shtesë të vaksinës Johnson & Johnson, e cila do të dyfishonte numrin e dozave që Shtetet e Bashkuara porositën nga kjo kompani farmaceutike.
Në videon “Varet nga Ju”, ish-Presidentët e SHBA Jimmy Carter, George W. Bush, Bill Clinton dhe Barack Obama u bënë thirrje të gjithë amerikanëve që të vaksinohen të enjten në mëngjes.
Por ish-Presidenti Donald Trump, nga klubi i tij Mar-a-Lago në Florida foli me një ton krejt tjetër.
“Shpresoj se të gjithë amerikanët do ta kujtojnë kur marrin vaksinat COVID-19, se nuk do të kishin marrë atë injeksion të mrekullueshëm për të paktën 5 vjet po të mos isha unë president,” shkroi ai në një mesazh të shkurtër.
“Shpresoj që të gjithë do ta kujtojnë”, përsëriti ai pas disfatës në fund të mandatit të tij të parë, por nuk përjashtoi kandidimin përsëri në 2024. /tesheshi.com/
