Presidenti amerikan ka dërguar sinjale të forta për Korenë e Veriut përmes një interviste për Financial Times.
Trump e bën të qartë se çështjen e kërcënimit bërthamor të Koresë së Veriut kërkon ta zgjidhë së bashku me Kinën, por, në të kundërt, mund të veprojë dhe vetë.
“Kina ka ndikim të madh mbi Korenë e Veriut. Dhe Kina duhet të vendosë në do të na ndihmojë ne në lidhje me të, ose jo. Nëse Kina nuk i jep zgjidhje Koresë së Veriut, do t’i japim ne. Kjo është ajo çfarë po ju them,” lexohet mes të tjerash në intervistën e tij.
Si zakonisht, Trump shfaqet tejet i vendosur dhe besimplotë në vendime. I pyetur nëse mund t’ia dalë i vetëm, ai është përgjigjur, duke iu referuar asaj çka njofton BBC-ja: “Plotësisht!”
Çfarë mungon në intervistë është veprimi i mëpastajmë, pasi Trump ka ngurruar të thotë diçka më shumë. Pyetjes në do të ketë veprim të njëanshëm nga ana e SHBA-së, presidenti është përgjigjur kësisoj: “Nuk do të them asgjë më shumë.”
E sa për atë se ç’do të ishte nxitësi që Kina të vepronte në anë të SHBA-së, Trump ka sqaruar se bëhej fjalë tregtinë. “Tregtia është nxitësi. Ka të bëjë tërësisht me tregtinë.”
Komentet e Trump-it vijnë vetëm pak ditë para vizitës së presidentit kinez, Xi Jinping, në SHBA. /tesheshi.com/
