Presidenti Donald Trump mbrojti gjatë vizitës në qytetin McAllen, Texas, në kufirin me Meksikën, idenë e tij për ndërtimin e një muri anti-emigrant, i cili ka ndezur debat me demokratët dhe ka shkaktuar paralizë të pjesshme të administratës amerikane.
“Është e nevojshme një pengesë, i nevojshëm një mur. Pa këtë, do të jetë vetëm problem dhe shumë të vdekur. Nuk ka asgjë më të mirë se një mur”, tha Trump.
Ai kërkon mbi 5 miliard dollarë për ndërtimin e murit, e cila ka për qëllim të parandalimit të migrimit ilegal dhe që e premtoi gjatë fushatës, ndërsa kundërshtarët e tij politikë e refuzojnë kategorikisht një projekt të tillë, të cilin e konsiderojnë të shtrenjtë dhe të paefektshëm.
Trump përsëri tha se ai mund të shpallë një “gjendje të jashtëzakonshme”, gjë që i jep atij kompetenca të veçanta të anashkalojë Kongresin në vendimin për financimin e ndërtimit të murit.
Për shkak të një ndalese në debatin buxhetor, të paktën 800,000 punonjës të qeverisë federale nuk kanë marrë paga për më shumë se dy javë. /tesheshi.com/
