Donald Trump, ish-presidenti dhe favorit për kandidatin republikan për zgjedhjet presidenciale në 2024, u deklarua i pafajshëm në gjykatën në New York.
Ish-presidenti amerikan u përball me akuza se përdori para nga fushata e tij e parë presidenciale për të blerë heshtjen e yllit porno Stormy Daniels. Avokatët e tij kundërshtuan kamerat në sallën e gjyqit.
Donald Trump është deklaruar i pafajshëm për 34 akuza të aktakuzës.
“Ai nuk do të ishte në këtë garë nëse do ta dinte se nuk do ta fitonte atë. Donald Trump ka instinkte të mira politike,” thotë ish-drejtori i tij komunikimit, Anthony Scaramucci.
Anëtarët e familjes së Trump nuk morën pjesë në gjyq, pasi nuk donin të ishin pjesë e kësaj loje politike, shkruan Sky News.
Përpara aktakuzës, një juri në Manhattan dëgjoi prova të një pagese prej 130,000 dollarësh për aktoren pornografike Stormy Daniels afër fundit të fushatës presidenciale të vitit 2016. Daniels tha se ajo ishte paguar për të heshtur për marrëdhënien e saj me Trump në një hotel pranë liqenit Tahoe në vitin 2006. Por Trump mohon se ai ka pasur ndonjëherë ndonjë marrëdhënie me të.
Ende nuk dihen pikat e aktakuzës. Trump ka thënë se është i pafajshëm dhe ai dhe aleatët e tij i portretizojnë akuzat si të motivuara politikisht. “Një gjueti shtrigash ndërsa vendi ynë dikur i madh shkon në ferr!”, shkroi Trump në rrjetet sociale përpara se të nisej për në New York. /tesheshi.com/
