Presidenti i SHBA, Donald Trump, sot do të udhëtojë në Floridë, në kuadër të turit në shtetet e goditura nga uragani Irma, i cili shkaktoi të paktën 70 viktima.
Zyrtarët amerikanë mbrëmë kanë raportuar se tetë pacientë kanë vdekur në një spital në Florida, pasi nuk kishte rrymë elektrike, për shkak të shkatërrimeve nga uragani në qytetin, Hollivud Hills.
Policia tha se shkaqet e vdekjes në këtë qendër mjekësore janë të panjohura dhe se po zhvillohen hetime penale.
Mediat lokale kanë spekuluar se mungesa e sistemit të ajrit të kondicionuar ka shkaktuar humbjet e jetëve.
Në Florida dhe shtetet fqinje amerikane, kanë vdekur së paku 27 vetë.
Dje në mesditë sipas orës lokale, rreth 9 milionë njerëz ishin pa energji elektrike, në shtetet amerikane që janë goditur nga kjo stuhi.
Presidenti Trump ka vizituar Teksasin dhe Luizianën, që u goditën nga uragani Harvey, muajin e kaluar. /tesheshi.com/
