Presidenti i SHBA-së, Donald Trump ka kërcënuar se do të ndërpresë ndihmat për palestinezët nëse ata nuk do të marrin pjesë në bisedimet e paqes. Departamenti i shtetit konfirmoi se bëhet fjalë për asistencën ekonomike dhe atë për sigurinë.
Trump akuzoi palestinezët se po e nënçmonin SHBA-në dhe tha se “pse duhet të bëjmë ne diçka për ta, nëse ata nuk bëjnë asgjë për ne?”
Palestinezët nuk e shohin SHBA-në si një vend neutral për të qenë negociatorë për paqen me Izraelin. Trump, duke folur në Forumin Eonomik të Davosit tha se “SHBA ka dhënë qindra milionë dollarë në vit për Palestinën”.
Ai ishte shumë i zemëruar pasi lidershipi palestinez sipas tij “nënçmoi zv.presidentin tonë të madh pasi refuzuan që të takohen me të”.
Trump theksoi se ai ishte presidenti i parë i SHBA që e lidhte ndihmën financiare me procesin e paqes.
“Ata para janë në tavolinë dhe nuk do të shkojnë tek ata deri sa të ulen në bisedime dhe të negocojnë për paqe”, tha ai, ndërsa ishte i ulur me kryeministrin izraelit, Benjamin Netanyahu.
SHBA bëri të ditur më herët se kishin ndërprerë ndihmën prej 65 milionë dollarë për refugjatët palestinezë që jetojnë nëpër kampe.
Ndihma e SHBA-së për palestinezët ishte 216 milionë USD gjatë vitit 2016, ndërsa vetëm ndihmë ushtarake për Izraelin është 3 miliardë dollarë në vit. /tesheshi.com/
