Presidenti amerikan Donald Trump pritet të mbërrijë sot në mëngjes në Britani të Madhe për një vizitë zyrtare shtetërore tre-ditore.
Air Force One pritet të mbërrijë në aeroportin Stansted të Londrës në orën 09:00 të mëngjesit.
Mbretëresha do të organizojë një banket shtetëror në Buckingham Palace të hënën mbrëma për presidentin dhe Zonjën e Parë, Melania Trump.
Vizita e Trump pritet të përcillet me protesta në mbarë Mbretërinë e Bashkuar, përfshirë qendrat e mëdha si Londra, Manchester, Belfast, Birmingham dhe Nottingham.
Përpara vizitës së tij, Presidenti Trump tha për tabloidin britanik “The Sun” se ai mbështeste kandidatin e lidershipit Tory, Boris Johnson, si kryeministri i ardhshëm i Mbretërisë së Bashkuar.
Ai gjithashtu i tha “The Sunday Times” se kreu i Partisë Brexit, Nigel Farage duhet të përfshihet në negociatat e qeverisë për t’u larguar nga BE.
Të hënën, presidenti do të bëj një vizitë në Westminster Abbey ku do të takohet me Princin Charles dhe dukeshën e Cornwall. /tesheshi.com/
