Administrata e presidentit amerikan Donald Trump është kundër përpjekjeve të ligjvënësve atje që kërkojnë të ndëshkojnë Turqinë për blerjen e raketave ruse S-400, sipas Anadolia, duke cituar Daily Beast.
Departamenti Amerikan i Shtetit, në një memorandum me shtatë faqe për senatorët, tha se kundërshtimi ndaj të ashtuquajturit ligji për promovimin e sigurisë kombëtare të SHBA dhe parandalimin e kthimit të ISIS, po përgatitet në Senatin e SHBA.
Sipas ligjit, SHBA do të vendosë sanksione ndaj Turqisë për blerjen e sistemeve të mbrojtjes raketore tokë-ajër S-400, dhe të bllokojë çdo shitje të avionëve luftarakë F-16 dhe F-35, dhe pjesë të tyre, për aleatin e NATO-s.
Memorandumi thotë më tej se vendosja e sanksioneve ndaj Ankarasë do të dëmtonte tregtinë e mbrojtjes SHBA-Turqi, do ta bënte Turqinë një “të huaj” në Aleancën e Atlantikut të Veriut.
Sipas Daily Beast, një zëdhënës i Departamentit të Shtetit përshëndeti anëtarësimin dhe rolin e Turqisë në Aleancë.
“Me Turqinë si anëtar, NATO është më e fortë dhe kështu ka qenë për gati 70 vjet. Turqia ka qenë një pjesë e rëndësishme e sigurisë kolektive të NATO-s për dekada”, tha zëdhënësi.
Zyrtari akuzoi gjithashtu rusët se po përpiqeshin të mashtrojnë aleatët e SHBA dhe Turqinë, duke shtuar: “Ne po punojmë për të mbajtur bashkëpunim të fortë brenda Aleancës”. /tesheshi.com/
