Presidenti i zgjedhur i Shteteve të Bashkuara të Amerikës, Donald Trump ka bërë një zgjedhje vërtetë të dhimbshme. Mes biznesit dhe përkushtimit të Shtëpisë së Bardhë, ai zgjodhi këtë të fundit, duke hequr dorë përfundimisht nga pasuritë që ka vënë deri tani, përgjatë gjithë jetës së tij.
“Do të mbajë një konferencë të madhe në qytetin e Neë Yorkut me fëmijët e mi më 15 dhjetor, për të diskutuar faktin që unë do të largohem në tërësi nga biznesi im i madh, me qëllim që të përqëndrohem në udhëheqjen e shtetit, që ta bëj Amerikën e Mrekullueshme Sërish!”, ka shkruar Trump në profilin e tij në Twitter.
Për këtë arsye, Trump ka deklaruar se janë duke u hartuar edhe dokumentet ligjore që t’a largojnë atë përfundimisht nga drejtimi i bizneseve, për të shmangur çdo lloj konflikti të mundshëm interesi.
Në SHBA nuk ka asnjë kërkesë ligjore që t’i detyrojë presidentët të heqin dorë nga asetet e tyre, megjithatë, në të kaluarën shumë presidentë amerikanë e kanë bërë këtë gjë, duke u mënjanuar nga bizneset. /tesheshi.com/
