Presidenti i SHBA Donald Trump mbajti një tubim me dyer të mbyllura në Nevada të dielën, pavarësisht se ekspertët e shëndetit kanë paralajmëruar kundër kësolloj tubimeve gjatë pandemisë së koronavirusit.
Trump akuzoi rivalin e tij democrat Joe Biden, duke thënë se ai merr drogë dhe është shumë i butë ndaj krimit.
“Biden dëshiron të qetësojë terroristët vendas, ndërsa plani im është të arrestoj terroristë vendas,” i tha Trump një turme entuziaste.
“Nëse Biden fiton, turma fiton,” shtoi ai.
Raportohet se njerëzit në tubim ishin ulur pranë njëri-tjetrit dhe shumë prej tyre nuk mbanin maska.
Biden kritikoi Trump për mbajtjen e tubimeve që i vendosin njerëzit në rrezik të kontraktimit të koronavirusit, i cili ka vrarë më shumë se 194,000 njerëz në Shtetet e Bashkuara.
Trump minimizoi ashpërsinë e virusit në fazat e tij të hershme, duke injoruar këshillat e ekspertëve të shëndetit publik, të cilët këshilluan të mbahen maska dhe distancë sociale për të parandaluar përhapjen e virusit.
Pjesëmarrësve të tubimit u ishte matur temperatura para se të hynin dhe morën maska, u njoftua nga fushata. /tesheshi.com/
