Një muaj pas takimit, Donald Trump dhe Kim Jong-un, përflitet se nuk ëhstë arritur asnjë progres konkret në denuklearizimin e Koresë së Veriut. Kësaj i ka dalë së fundi në mbrojtje vëtë presidenti Trump, duke thënë se ai nuk ka vendosur një afat kohor për denuklearizimin e Koresë së Veriut, por ka thënë se do të fillojë shumë shpejt.
“Bisedimet vazhdojnë dhe po zhvillohen nën një atmosferë shumë të mirë”, u tha Trump gazetarëve të martën, duke shtuar se “marrëdhëniet janë shumë të mira”.
Sipas tij, nuk ka presion ose afat, sepse është një proces.
Trump më 12 qershor u takua me udhëheqësin e Koresë së Veriut, Kim Jong-Un, ku u konfirmua angazhimi për denuklearizimin e plotë të gadishullit Korean.
Por ky qëndrim në parim nuk u detajua, për t’jua lënë negociatorëve të Uashingtonit dhe Phenianit.
Sekretari i Shtetit Mike Pompeo, pak ditë pas samitit, tha se një çarmatimi bërthamor i konsiderueshme të Koresë së Veriut, do të vijë në fund të mandatit të Trump në vitin 2020. /tesheshi.com/
