Ministri i Drejtësisë së SHBA-së, Jeff Sessions ka shkarkuar numrin dy të FBI-së, Andrew McCabe, pas kërkesës së vazhdueshme të Donald Trump për ta larguar.
Sessions, duke shpjeguar largimin e njeriut të rëndësishëm të FBI-së tha se “McCabe nuk është treguar i ndershëm dhe ka shpërndarë informacione për mediat; nuk ka qenë i ndershëm edhe nën betim. Këtë e ka bërë në disa raste”.
Ish-numri dy i FBI-së është nxjerrë në pension që të dielën dhe nuk mund të kthehet më në FBI.
Por ka qenë e menjëhershme përgjigja e oficerit të famshëm. “Duan të më diskretitojnë si një nga dëshmitarët më të rëndësishëm të hetimit mbi influencën ruse në zgjedhjet presidenciale. Kjo është një tentativë për të dobësuar hetimet e prokurorit specialm Robert Mueller”, tha McCabe.
Ai është akuzuar nga Trump si njeriu i Hillary Clinton, pasi e shoqja ka garuar për postin e kongresmenes në Virginia dhe ka pranuar një donacion prej 200 mijë dollarësh prej një kompanie, pronari i së cilës ka miqësi me Clinton-ët.
Ashtu si Rex Tillerson disa ditë më parë, edhe numri dy i FBI-së nuk është lajmëruar më parë por është shkarkuar me një postin në rrjetet sociale.
Numri dy i FBI-së u shkarkua pasi është dëshmitar në procesin ku ish-Drejtori i Byrosë Federale të Hetimeve, James Comey, akuzon Presidentin Donald Trump se i ka kërkuar të mbyllë hetimet për “Russia Gate”.
McCabe duke folur për New York Times tha se “sulmi ndaj meje është një makinacion të njollosë FBI-në dhe komunitetin e inteligjencës, i cili ka dy vjet që është impenjuar për të zbuluar të vërtetën”. /tesheshi.com/
