James Comey nuk do të jetë më drejtuesi më i lartë i FBI-së, i shkarkuar nga presidenti amerikan. Sipas BBC-së, ky është vetëm i dyti rast që shkarkohet drejtori i FBI-së.
Shkarkimi vjen pasi u mësua se Comey kishte dhënë informacion të pasaktë në Kongres mbi e-mail-et e Hillary Clinton-it.
Donald Trump do të shprehej në një letër për të shkarkuarin nga detyra se pajtohej me rekomandimin e prokurorit të përgjithshëm se ai nuk ishte në gjendje ta drejtonte në mënyrë efektive FBI-në.
Comey do të dëshmonte ditë më parë në Kongres mbi çështjen e postës elektronike të Clinton-it dhe mbi çështjen e ndërhyrjes ruse në zgjedhjet presidenciale.
Ish-sekretarja amerikane e Shtetit dhe kandidatja presidenciale e demokratëve do të bënte me faj mes të tjerash po ditë më parë një letër të drejtorit të FBI-së për humbjen e saj në zgjedhje.
Ndërsa si arsye për shkarkimin jepet trajtimi nga Comey i hetimit mbi e-mail-et e Clinton-it, demokratët amerikanë pretendojnë që ai të jetë shkarkuar sepse FBI-ja po hetonte lidhjet e hamendësuara mes ekipit të fushatës së Trump-it dhe Rusisë. /tesheshi.com/
