Donald Trump ka shkarkuar më në fund kryestrategun e tij Steven Bannon, duke u bërë zyrtari i pestë që ka larguar nga Shtëpia e Bardhë që nga 20 janari kur u instalua si president i SHBA. Pra vetëm në 7 muaj.
Bannon, i cili njihet si personi që e ndihmoi Donald Trumpin të siguronte fitoren në zgjedhje, ka patur kortradikta me figura të tjera të fuqishme në ekipin e ndihmësve të Presidentit.
Disa mbështetës të Trump i kishin bërë thirrje atij që ta shkarkonte Bannon.
Steve Bannon që njihet për shpirtin e tij luftarak, tha se ai është përplasur çdo ditë në Shtëpinë e Bardhë për të avancuar pikëpamjet e tij radikale lidhur me tregëtinë në kuadër të motos “Amerika e para”.
Këto pikëpamje kundërshtojnë ato të disa këshilltarëve të tjerë, të cilët tentojnë të favorizojnë përpjekjet ekzistuese që vënë theksin tek bashkëpunimi shumëkombësh tregtar.
Bannon u largua menjëherë pas tragjedisë në Charlotsville, ku pjesëtar të grupeve radikale të djathta vranë një grua që po protestonte kundër dhunimit racial.
I pari që u largua ishte gjenerali Michael Frlyn, më pak se një muaj pas inagurimit, këshilltari i Sigurisë Kombëtare.
Më 13 shkurt, Flyn u shkarkua nga Zv.Presidenti Michael Pence, pasi u akuzua se e kishte gënjyer presidentin në lidhje me kontatet me ambasadorin rus.
I dyti që u shkarkua ishte shefi i kabinetit Reince Preibus, i cili kryente edhe detyrën e kryetarit të Partisë Republikane. Ai u emërua për të qepur marrëdhëniet me kongresin por që nuk e arriti dot.
Më pas u largua Sean Spicer, kreu i zyrës së shtypit, për të ardhur tek Anthony Scaramuçi, që u pushua vetëm 10 ditë pas emërimet.
Përveç pesë largimeve të mëdha, në stafin e Trump ka pasur edhe 10 ikje të tjera të stafit politik që janë në nivelet e zv.shefave të zyrave apo të këshilltarëve.
“Spastrimet” nisën furishëm kur shef kabineti Trump emëroi gjeneralin John Kelly, i cili kërkoi një autonomi në veprimin e tij. /tesheshi.com/
