Presidenti amerikan, Donald Trump ka lavdëruar liderin kinez, Xi Jinping, në një kontrast të thellë me kriticizmin e mëparshëm ndaj Kinës për çështje delikate si Koreja e Veriut dhe tregtia. Megjithatë, ai apeloi vendin kiomunist të punojë fort për të bindur Penianin të heqë dorë nga armët bërthamore.
Për surplusin tregtar të Kinës, Trump ka habitur shumë analistë kur tha se nuk fajëson Kinën që po përfiton. Nga ana e tij, Pekini ka thënë se do të ulë mjaft pengesa të aksesit në treg në disa sektorë.
Trump i bëri këto komente në Pekin ndërsa ndodhet në një vizitë shtetërore. Ai po qëndron në kryeqytetin kinez si pjesë e turit të tij 11 ditor në pesë kombe aziatike. Më herët dy liderët patën bisedime dypalëshe, pas një pritjeje madhështore që iu rezervua presientti amerikan.
Mes dy vendeve janë nënshkruar marrëveshje prej 250 miliardë dolalrësh, edhe pse nuk është e qartë nëse të gjitha këto pakte janë të reja, apo përfshijnë edhe interesa të mëparshme.
Por, pikë kryesore e axhendës së takimeve të Trump ka mbetur menaxhimi i kërcënimeve që vijnë nga Koreja e Veriut, pasi Kina është mbështeteja më e madhe ekonomike e Penianit. Duke u përpjekur të inkurajojë ngrohtësisht liderin kinez, Trump tha se Kina mund ta zgjidhë lehtësisht dhe shpejt problemin duke iu referuar programit bërthamor të Koresë së veriut.
Por, presidenti Xi nga ana e vet theksoi se të dyja palët do të vijojnë punën drejt zbatimit të plotë të sanksioneve të Kombeve të Bashkuara dhe për paqe të qëndrueshme në gadishullin Korean.
Më herët, Trump ka qenë shumë kritik me Pekinin duke thënë se Kina nuk po bën mjaftushëm presion ndaj Penianit. /tesheshi.com/
