Propozimi i kandidatit republikan për president të SHBA, Donald Trump për ndalimin e hyrjes së muslimanëve në vend bën pjesë në deklaratat e tij më bombastike, por siç duket miliarderi amerikan ka filluar të ndryshojë pozicionin e tij lidhur me këtë çështje, njofton sot agjencia amerikane AP.
Trump gjatë vizitës së tij të fundit në terrenet e tij të golfit në Skoci, ka deklaruar se për të do të ishte në rregull që muslimanët nga Skocia apo Britania e Madhe të vijnë ne SHBA.
Në llogarinë e tij në Twitter, ai ka sqaruar më detajisht pozicionin e tij ndaj kësaj çështjeje. “Ne duhet të ndalojmë emigrimin vetëm nga zonat të cilat kanë lidhje me terrorizmin, derisa të mos jenë në fuqi masat për kontroll efektive”, është rrekur të sqarojë Trump. /tesheshi.com/
