Presidenti amerikan Donald Trump ka dalësë fundi me tezën e zgjerimit të NATO-s në Lindjen e Mesme, pasi Shtetet e Bashkuara kërkojnë një mënyrë për të zvogëluar praninë e trupave të vendosur në të gjithë botën.
“Unë mendoj se NATO duhet të zgjerohet për të përfshirë absolutisht dhe Lindjen e Mesme”, u tha ai gazetarëve në Shtëpinë e Bardhë.
Trump më herët ka propozuar një prani më të madhe të NATO-s në Lindjen e Mesme, pas sulmeve nga Irani mbi bazat ushtarake amerikane në Irak, në shenjë hakmarrjeje për vrasjen e gjeneralit iranian Qassem Soleimani.
Reuters raporton se Trump bëri shaka duke thënë se Aleanca duhet të quhet NATO-ME, ose NATO plus Lindja e Mesme, dhe shtoi se ia propozoi emrin Sekretarit të Përgjithshëm të Aleancës, Jens Stoltenberg.
Shtëpia e Bardhë tha se në një intervistë me Stoltenberg, Trump “theksoi rëndësinë e rritjes së rolit të NATO-s në parandalimin e konflikteve dhe paqeruajtjen në Lindjen e Mesme”. /tesheshi.com/
