Donald Trump ka shpallur se do të kërkojë 25 miliardë dollarë për të ndërtuar murin me Meksikën, por edhe pjesë shtesë për të rritur sigurinë kufitare.
Gjatë një takimi me disa kryebashkiakë në Shtëpinë e Bardhë, Presidenti i SHBA-së, ka deklaruar se qeveria federale do të ndërmarrë një plan të madh investimesh prej 1 mijë miliardësh USD në të gjithë Amerikën.
Bëhet fjalë për ndërtime të mëdha veprash publike. Detajet e këtij plani do të bëhen publike në fjalimin para kombit që do të mbajë me 30 janar.
Trump shpalli planin e ri të investimeve pas një kompromisi me demokratët, ku vendosi t’ japë shtetësi amerikane të ashtuquajturve “dreamers”, pra fëmijëve të mitur të mbërritur pa prindër në SHBA.
Bëhet fjalë për rreth 800 mijë emigrantë që kanë hyrë prej 10-12 vjetësh në këtë vend.
Ndërkaq, në lidhje me hetimin për Russia Gate, Trump tha se “mezi po pret që të pyetet nën betim nga Prokurori i çështjes Robert Mueller.
Trump gjithashtu tha se nuk e mbante mend nëse i ka kërkuar zv.drejtorit të FBI-së, Andrew Mccabe se për kë do të votonte.
Ishte gazeta Washington Post që e dha dje këtë lajm.
Mçabe u komandua drejtor i FBI-së pas shkarkimit të James Comey, i cili kishte nisur hetimet për Russia Gate. /tesheshi.com/
