Presidenti Trump tha se Amerika shte “shumë e fortë dhe e fuqishme” në Afganistan, por nuk mund të thoshte nëse negociatat me talebanët do të ishin të suksesshme për arritjen e një paqeje.
“Unë mendoj se populli afgan është i lodhur nga luftimet”, u tha ai gazetarëve pas ai u dërgoi një kartolinë trupave amerikane në Afganistan për “Ditën e Falenderimeve”.
“Ne flasim për paqe dhe do të shohim nëse do të ndodhë … Negociatat janë në vazhdim. Nuk e di nëse ato do të jenë të suksesshme”, tha Trump.
Presidenti amerikan tha këtë pasi krerët talebanë u takuan me të dërguarin e posaçëm të SHBA, Zalmay Khalizad javën e kaluar në selinë e tyre në Katar për herë të dytë në një muaj.
Takimi në Doha, ku talebanët kanë një zyrë politike, u mbajt nga e mërkura deri të premten, në mënyrë “që të gjendet një zgjidhje paqësore për Afganistanin”, tha zëdhënësi i talibanëve, Zabihullah Mujahid.
Ai gjithashtu mohoi njoftimet e medias se luftëtarët e këtij grupi duan të krijojnë një qeveri.
Qeveria amerikane ka porositur Khalilzad që të takohet me talebanët për të mbajtur bisedime paqësore me ta.
Khalilzad u tha gazetarëve në Kabul të dielën se ai ishte “optimist me shumë kujdes” për arritjen e paqes mes talebanëve dhe qeverisë përpara mbajtjes së zgjedhjeve presidenciale në prill.
Këto zhvillime i pasprijnë deklarimeve të disa ushtarakëve të lartë amerikane në Afganistan, se lufta me talebanët nuk po fitohet dot. Tashmë, ky realitet ka detyruar administratën Trump që të ulet në bisedime për paqe. /tesheshi.com/
