Presidenti Trump ka kërkuar nga Princi i Kurorës së Emirateve Mohamed bin Zayed që të ndërmarrë hapa për të zgjidhur krizën e Gjirit, e cila shpërtheu në vitin 2017, kur Arabia Saudite, Emiratet e Bashkuara Arabe, Bahreini dhe Egjipti vendosën të krijojnë një bllokodë ndaj Katarit nga toka, deti dhe ajri.
Trump, në bisedë telefonike me udhëheqësin arab, ka theksuar rëndësinë e zgjidhjes së krizës së Gjirit, duke arsyetuar se duhet bashkëpunim për të ndihmuar rajonin të merret me virusin koronar, të adresojë ndikimin ekonomik nga pandemia dhe që Gjiri të përqendrohet në problemet e ndjeshme rajonale.
Shtëpia e Bardhë shtoi se Trump dhe Bin Zayed kanë rënë dakord gjithashtu për rëndësinë e zvogëlimit të përshkallëzimit të situatës në Libi dhe nevojën për t’i dhënë fund armiqësive në Siri në mënyrë që të arrihet një zgjidhje politike në të dy vendet.
Kriza e Gjirit ka filluar që nga viti 2017, kur katër shtete akuzuan Katarin për mbështetjen e terrorizmit, të cilin Doha e mohon kategorikisht, duke thënë se këto akuza janë vetëm një justifikim nga shtetet fqinje për të bojkotuar Katarin dhe që të ndikojnë në sovranitetin e tij si shtet.
Drejtuesit e Katarit kanë theksuar në mënyrë të përsëritur gatishmërinë e tyre për t’u përfshirë në dialog me shtetet e bllokadës, por pa parakushte.
Arabia Saudite, Bahreini, Emiratet e Bashkuara Arabe dhe Egjipti, nga ana tjetër insistojnë që Doha të plotësojë listën e kërkesave përpara se të rifilloni marrëdhëniet me këto katër vende. /tesheshi.com/
