Presidenti Trump tha se Uashingtoni po përpiqej të zbulojë nëse virusi koronar kishte origjinën në një laborator në Wuhan, dhe Sekretari i Shtetit Mike Pompeo tha se Pekini duhet të “nxjerrë në dritë” gjithçka që di.
Burimi i virusit është akoma një mister. Fox News raportoi të mërkurën se virusi buronte nga një laborator në Wuhan, por jo si armë biologjike, por që Kina do t’u tregonte Shteteve të Bashkuara se ata kishin të njëjtën aftësi ose më të mirë për të identifikuar dhe luftuar viruset.
Ky raport, dhe disa të tjerë, sugjerojnë që për shkak të standardeve të ulëta të sigurisë në laboratorin Wuhan, dikush u infektua dhe u shfaq në treg nga i cili filloi të përhapet virusi.
Trump tha në një konferencë për shtyp në Shtëpinë e Bardhë se ai ishte në dijeni të këtyre raporteve. “Ne jemi duke bërë një përmbledhje shumë të plotë të kësaj situate të tmerrshme,” tha ai.
Ai nuk ka dashur të zbulojë ato që kishte thënë në një bisedë me Presidentin Kinez Xi Jinping.
“Nuk dua të flas për ato që i thashë në lidhje me laboratorin. Nuk dua të flas për këtë. Tani nuk është e përshtatshme”.
Në shkurt, Instituti i Virologjisë nëWuhan hodhi poshtë thashethemet se virusi kishte origjinën në një nga laboratorët e tyre.
Pompeo tha në një intervistë për Fox News se “ne e dimë se virusi ka origjinën në Wuhan, Kinë” dhe se Instituti i Virologjisë është vetëm disa kilometra larg nga tregu detar.
“Qeveria kineze me të vërtetë duhet të hapet dhe të shpjegojë se si ky virus u përhap”, tha Pompeo. “Qeveria kineze duhet ta nxjerrë këtë në dritë.”
Komuniteti më i gjerë shkencor thotë se Sars-CoV-2 vjen nga lakuriqët.
Trump dhe zyrtarë të tjerë kanë shprehur dyshime për numrin e vdekjeve në Kinë, rreth 3,000 prej tyre, ndërsa më shumë se 20,000 njerëz kanë vdekur në SHBA dhe shifra është ende në rritje.
Të mërkurën, ai tha se SHBA ka më shumë raste pasi “raporton më shumë”.
“A besoni me të vërtetë këto shifra në vendin e gjerë të Kinës dhe se ato kanë një numër të besueshëm të infektuarish dhe të vdekurish, a e beson dikush këtë?”, pyeti Trump. /tesheshi.com/
