Presidenti amerikan Donald Trump tha se do të pranonte çdo vendim të Izraelit – si për të vazhduar me fazën e dytë të marrëveshjes së armëpushimit me Hamasin, ashtu edhe për të rifilluar aktivitetet luftarake në Gaza, raporton FoNet.
“Netanyahu është shumë i zemëruar dhe duhet të jetë. Nëse ai nuk do të ishte i zemëruar tani, për të qenë i sinqertë, do të kishte diçka që nuk shkon me të”, tha Trump për Fox Neës, sipas Times of Israel.
Ai theksoi se “e kupton zemërimin e Netanyahut pas asaj që ndodhi me kthimin e pengjeve të vrarë”.
“Është kaq barbare. Nuk do të mendonit se kjo mund të ndodhte në epokën moderne, por ndodhi”, tha cinikisht Trump, duke iu dhimbsur vetëm viktimat izraelite, që edhe ata, sipas Hamasit, janë vrarë nga predhat e ushtrisë sioniste.
I pyetur nëse ai mendon se Izraeli duhet të vazhdojë me fazën e dytë të marrëveshjes së paqes, apo të vazhdojë luftën kundër Hamasit, Trump tha se i pranon të dyja.
“Unë jam vërtet mirë me çfarëdo që ata të vendosin, veçanërisht kur shihni se çfarë po ndodh atje dhe gjendjen e pengjeve që mbahen nga Hamasi. Një grup që u çlirua dukej sikur kishte qenë në një kamp përqendrimi në Gjermani. Ndonjëherë duhet të marrësh vendime të vështira”, tha Trump, ndërkohë që pengjet nuk ngjajnë aspak të keqtrajtuar, njëherësh duke pohuar me gojën e tyre se janë mirëtrajtuar. /tesheshi.com/
