Presidenti Trump njoftoi ikjen nga jeta të vëllait të tij Robert Trump. Ai u shua të shtunën natën, ditën kur presidenti e vizitoi atë në një spital të New York-ut, njoftoi Reuters.
“Me zemër të rënduar, njoftoj se vëllai im i mrekullueshëm Robert u largua paqësisht sonte. Ai nuk ishte vetëm vëllai im, por edhe shoku im më i mirë. Do të më marrë malli shumë, por do të takohemi përsëri. Kujtimi i tij do të jetojë përgjithmonë në zemrën time. Robert, Unë ju dua! Pusho në paqe!”, shkruajti Trump.
Robert Trump, i cili ishte 72 vjeç, dy vjet më i ri se presidenti, kishte si profesion atë të një kontraktues ndërtimi.
Shkaku i vdekjes nuk është përcaktuar. Trump u tha gazetarëve të premten se vëllai i tij po “po kalonte një periudhë të vështirë” për shkak të një sëmundjeje të panjohur.
Mosmarrëveshje me mbesën Mari
Robert Trump si dhe presidenti kanë qenë në konflikt me mbesën e tyre Mary Trump gjatë muajve të fundit, e cila botoi një libër për jetën e familjes Trump. Presidenti e kundërshtoi me forcë librin në fjalë, pasi përmbante detaje nga jeta e tij familjare. Kjo mund të jetë e dëmshme për karrierën e tij politike.
Gjykata ndaloi Mary Trump të afrohej te Robert Trump, që ishte kërkesa e tij në gjykatë.
Robert Trump tha se libri “Shumë, shumë dhe kurrë nuk mjafton: Si familja ime krijoi njeriun më të rrezikshëm në botë” do të shkelë një marrëveshje konfidencialiteti të lidhur me pronën e babait të tij, Fred Trump, i cili vdiq në 1999. /tesheshi.com/
