Pas përpjekjes disa orëshe për të ndaluar publikimin e librit “Zjarr dhe Tërbim”, avokatët e Donald Trump janë dorëzuar.
Libri i shkruar nga Michael Wolff do të dalë nesër duke i dhënë një tjetër dhimbje koke Presidentit amerikan.
Botuesi i librit Henry Holt, duke sfiduar avokatët e Trump, ka afruar publikimin e tij i cili ishte parashikuar më 9 janar. Arsyeja e këtij shpejtimi është “kërkesa aq e madhe dhe paprecedent nga lexuesit”.
Këtë e konfirmon edhe Amazon ku është libri më i shitur. “Mund ta blini dhe lexoni nesër. Faleminderit zoti President”, ka shkruar në twitter autori Michaell Wolf.
Ndërkaq, zëdhënësja e Shtëpisë së Bardhë, Sarah Sanders e ka quajtur “fantazi komplet” librin që po trondit Shtëpinë e Bardhë, pasi ka zbuluar konfindenca të ish-strategut Steve Bannon. “Është plot me gënjeshtra qesharake”, ka thënë zëdhënësja. /tesheshi.com/
