Presidenti i SHBA Donald Trump përcolli një mesazh video në Tëitter nga spitali “Walter Reed” ku është shtruar për shkak të infektimit me COVID-19 dhe tha se ai ndihej shumë më mirë dhe se shpresonte të “kthehej së shpejti”, raporton RTS.
Donald Trump tha në një mesazh katër minutësh në Twitter se ai “nuk u ndje aq mirë” kur arriti në spital dhe se ditët e ardhshme do të jenë vendimtare në luftën e tij kundër koronavirusit.
“Gjatë ditëve të ardhshme, unë mendoj se është me të vërtetë një provë, kështu që ne do të shohim se çfarë do të ndodhë gjatë ditëve të ardhshme,” tha Trump.
Trump foli disa orë pas deklaratave të ndryshme nga njerëz të administratës amerikane për gjendjen e tij shëndetësore.
“Kjo është diçka që u ka ndodhur miliona njerëzve në të gjithë botën dhe unë po luftoj për ta, jo vetëm në SHBA. Ne do ta mposhtim koronavirusin,” tha Trump.
Trump deklaroi se u është mirënjohës të gjithëve për mbështetjen, popullit amerikan dhe udhëheqësve botërorë.
“Unë kisha një alternativë, të mbyllesha në Shtëpinë e Bardhë, të mos shkoja në Zyrën Ovale, të mos shihja njerëz, por nuk doja ta bëja këtë. Kjo është Amerika, vendi më i fuqishëm në botë, nuk mund të mbyllesha në një dhomë. Ne duhet të ballafaqohemi me problemin,” tha Trump.
Mjeku i Trump, Sean Conley tha më herët se presidenti i SHBA nuk ka më ethe dhe se mjekët janë optimistë. /tesheshi.com/
— Donald J. Trump (@realDonaldTrump) October 3, 2020
