Administrata e presidentit amerikan Donald Trump ka paralajmëruar vendimin për mbylljen e zyrës së Organizatës për Çlirimin e Palestinës në Uashington.
Duke iu referuar një deklarate nga një zyrtar i Shtëpisë së Bardhë, Wall Street Journal raporton se këshilltari i sigurisë kombëtare të Trump, John Bolton, do të njoftojë mbylljen e zyrës së PLO.
I njëjti burim ka publikuar gjithashtu një draft-tekst që Bolton do të lexojë, duke deklaruar se Shtetet e Bashkuara “gjithmonë do qëndrojnë krah Izraelit si mik dhe aleat”.
“Administrata e Trump nuk do ta mbajë zyrën e hapur derisa palestinezët refuzojnë të hyjnë në bisedime të drejtpërdrejta dhe konstruktive me Izraelin”, tha gazeta amerikane.
Paralelisht, i njëjti burim njofton se Bolton do të kërcënojë me sanksione Gjykatën Ndërkombëtare Penale në rast se nis një hetim kundër SHBA dhe Izraelit.
Ditë më parë, Trump pezulloi dhe të gjithë agjencinë e ndihmës së Kombeve të Bashkuara për refugjatët palestinezë – UNRWA dhe tha se SHBA nuk do të ndihmojë palestinezët për aq kohë sa ata nuk vazhdojnë negociatat e drejtpërdrejta me Izraelin me ndërmjetësimin e Uashingtonit.
Administrata Trump ka theksuar në mënyrë të përsëritur se po punon për një “marrëveshje të shekullit”, e cila duhet të zgjidhë krizën e Lindjes së Mesme. /tesheshi.com/
