Presidenti Trump ka reaguar në lidhje me zhvillimet më të fundit në Iran duke thënë se“ka ardhur koha që në këtë vend të ndodhin ndryshime”.
“Populli i madh i Iranit me vite është nën shtypje. Është i uritur për ushqim dhe liri. Bashkë me të drejtat e njeriut, në Iran është duke u plaçkitur edhe pasuria e vendit. Është koha për ndryshim”, ëshët shprehur së fundi kreu i Shtëpisë së Bardhë.
Më tej, ai ka cekur marrëveshjen me këtë vend në periudhën Obama, duke e konsideruar si “të tmerrshme”.
Më herët, Trump i bëri apel qeverisë iraniane të respektojë të drejtat e popullit, përfshirë dhe atë të shprehjes. Këto reagime të tij konsiderohen dhe si një forcë shtytëse për ata që janë ngritur të protestojnë kundër regjimit të Teheranit. /tesheshi.com/
