Donald Trump është gjithnjë e më pranë fitores në zgjedhjet presidenciale në SHBA. Ai ka fituar së fundi dhe në Pensilvani, teksa pritet të fitojë dhe në Alaskë.
Me fitoren në Pensilvani, republikanët ruajnë dhe kontrollin e Senatit, ashtu siç kanë epërsinë dhe në Dhomën e Përfaqësuesve.
John Podesta, shefi i fushatës së Clinton-it, është parë disi i drobitur ndërsa u ka folur mbështetësve të saj.
Ai u ka kërkuar mbështetësve të kandidates demokrate të kthehen në shtëpi, duke paralajmëruar se nuk do të ketë më deklarime gjatë orëve në vazhdim nga kampi demokrat.
Përmbysja më e madhe në politikë, e quan Katty Kay e BBC-së atë çka po ngjet në zgjedhjet në SHBA.
“Donald Trump, një njeri pa një të shkuar në politikë, “ka përmbysur rregullat” dhe ka sfiduar sondazhet, që në nisje të mbrëmjes kishin paraparë një “fitore shumë të lehtë për Hillary Clinton-in,” thotë ajo.
Nuk ka vonuar dhe urimi i Marine Le Pen-it, udhëheqëses së Frontit Nacional të ekstremit të djathtë në Francë.
“Urime presidentit të ri të Shteteve të Bashkuara, Donald Trump, dhe popullit të lirë amerikan,” ka shkruar Le Pen në Twitter. /tesheshi.com/
