Presidenti amerikan Donald Trump tha mbrëmë se ai do të pranonte vendimin për kthimin e fëmijëve në shkollë në vjeshtë, përfshirë djalin dhe nipërit e tij, sepse, siç pretendon ai, fëmijët nuk marrin dhe nuk përhapin koronavirusin lehtë.
I pyetur nga reporterët në Shtëpinë e Bardhë nëse administrata e tij planifikon të zhvillojë një strategji kombëtare për kthimin e fëmijëve në shkollë në vjeshtë, Trump tha se ata kanë një të tillë.
“Por siç e dini, në fund të fundit varet nga guvernatori i shtetit. Unë mendoj se shumë guvernatorë duan që shkollat të hapen. Unë do të doja që ata të hapen”, tha Trump, duke shtuar se “fëmijët kanë sistem të fortë imuniteti”.
Ata nuk e transmetojnë virusin kaq lehtë te të tjerët dhe shumë thonë se nuk e transmetojnë fare atë, tha Trump.
“Ata nuk e sjellin atë në shtëpi,” pretendon Trump.
Ai shtoi se fëmijët nuk infektohen lehtë, ata nuk e transmetojnë virusin, dhe madje edhe nëse e marrin virusin, ata shërohen më shpejt dhe më mirë, raporton CNN.
Nga ana tjetër, koronavirus është konfirmuar në më shumë se 23,000 fëmijë nën moshën 18 vjeç në Florida. /tesheshi.com/
