Presidenti i zgjedhur amerikan po i ngjan çdo ditë e më tepër rrjetit televiziv Fox News. Trump ka caktuar edhe dy individë të tjerë në ekipin e tij që kanë një histori të gjatë me komentet urrejtëse ndaj mulimanëve.
Katharine Gorka është zgjedhur për të qenë pjesë e ekipit tranzitor. Ajo do të takohet me zyrtarët e Departamentit të Sigurisë Kombëtare (DHS) për të administruar tranzicionin.
Këshillli për Marrëdhëniet Amerikano-Islame (CAIR), organizata muslimane më e madhe në Amerikë për të drejtat e njeriut, shprehu shqetësimin e madh për këtë zgjedhje të Trump-it.
Gorka ka thënë në të shkuarën se DHS-ja i përgatit agjentët e vet duke i gënjyer se “Islami është fe e paqes”.
Ajo shkruan rreth Islamit në faqen elektronike të Supremacistëve të Bardhë, “Breitbart News”. Në vitin 2014 shkruante se kur “presidenti Bush dhe Obama deklaruan publikisht se Islami është fe e paqe, kjo ishte një tronditje për disa,” dhe se, “liderët amerikanë dhe perëndimorë paraprakisht kanë shuar zërat për çdo lloj debati mbi Islamin duke deklaruar se Islami është fe e paqes”.
Po ashtu, Trump ka emëruar analisten e Fox News-it, K.T. McFarland, si zëdhënëse të këshilltarëve të tij për sigurinë kombëtare. McFarland ka bërë thirrje në të kaluarën për luftë kundër Iranit, ka mbështetur përdorimin e dhunës, ka shprehur admirim për “burrin e fortë rus”, Vladimir Putin-in, dhe gjithashtu ka mbështetur hapur profilizimin e muslimanëve.
“Emërimet e fundit tregojnë edhe njëherë pranueshmërinë shqetësuese të fanatizmit antimusliman, teoritë konspirative dhe politikat e pasakta të propozuara nga ekipi tranzitor i Trump-it,” ka thënë drejtori i Çështjeve Qeveritare të CAIR-it, Robert McCaw.
CAIR ka shprehur kohët e fundit shqetësim në lidhje me tendencën islamofobe në emërimet e fundit të bëra nga presidenti i zgjedhur Donald Trump. /tesheshi.com/
