Presidenti ukrainas Volodymyr Zelensky mbërriti në Shtëpinë e Bardhë të premten për të pestën herë në vitet e fundit, por këtë herë në një kontekst tjetër. Klima mes tij dhe Trump u përkeqësua shpejt dhe presidenti amerikan gati e dëboi presidentin ukrainas, duke i thënë që të kthehej kur të ishte gati për paqe. Ky zhvillim i pazakontë në historinë e politikës dhe diplomacisë botërore pati si epilog dhe anullimin e konferencës për shtyp mes dy lidërve.
Qëllimi ishte nënshkrimi i marrëveshjes për tokat e rralla dhe ndarja e fitimeve të mëdha të pritshme me SHBA-në, por pas fjalëve të mira të Presidentit Trump, Volodymyr Zelensky dëgjoi liderin amerikan ta akuzonte atë.
Ai i tha hapur se “nuk ke ushtarë të mjaftueshëm, nuk na thua dot armëpushim apo jo”. Dhe pastaj: “Ju jeni duke luajtur bixhoz me Luftën e Tretë Botërore, nuk keni letra në dorë”.
“Të dhashë forcë të jesh i ashpër. Nuk mendoj se do të ishe i ashpër pa SHBA-në. Njerëzit tuaj janë shumë të guximshëm, por ose bëni një marrëveshje ose ne jemi jashtë. Nëse ne ikim, ju do të luftoni për të, por nuk i keni letrat”, i tha ai drejtpërdrejt Zelensky-t, për të theksuar në një pikë tjetër: “Kthehuni kur të jeni gati për paqen”.
President Trump: "The problem is I've empowered you to be a tough guy. I don't think you'd be a tough guy without the U.S. You're people are very brave. But, you're either going to make a deal or we're out. And if we're out, you'll fight it out…but you don't have the cards…" pic.twitter.com/vEGSVeQsg7
— CSPAN (@cspan) February 28, 2025
Nënpresidenti J.D. Vance mori drejtimin e sulmeve, përballë liderit ukrainas dhe gazetarëve. “Ajo që e bën Amerikën një vend të mirë është se ajo angazhohet në diplomaci,” tha ai.
“Për ç’lloj diplomacie e ke fjalën, JD,” pyeti Zelensky, duke bërë që zëvendëspresidenti amerikan të shpërthejë dhe ta akuzojë atë për “organizim të udhëtimeve propagandistike”. “A keni thënë ndonjëherë faleminderit?”
Kur Zelensky u përpoq të përgjigjej, Trump ndërhyri dhe i tha: “Ju po luani kumar me jetën e miliona njerëzve, po luani kumar me Luftën e Tretë Botërore. Kjo që po bëni është një fyerje për vendin tuaj”.
Kjo sjellje poshtëruese e paprecedentë tronditi të pranishmit. Karakteristik ishte reagimi i ambasadores së Ukrainës në SHBA, Oksana Markarova, e cila për pak sa nuk shpërtheu në lot.
Ukraine's ambassador to the US Oksana Markarova's reaction to the clash between Trump and Zelensky. pic.twitter.com/jva0QWJnHB
— KyivPost (@KyivPost) February 28, 2025
